無論在人生的各種境遇...都存敬畏, 相信, 生存的盼望. 真係唔易講這句說話, 他竟然滿有喜樂和力量, 全能的主, 祝福Nick, 也讓Nick帶給我們生命的祝福!
我要加油, 我已經有很多, 很多, 有手有腳有精神有健康, 只係少左d時間, 所以都係好好有福, 有好多好多恩典.
終於考左個德文口試, 表現唔係好夠水平, 好多字, tense, word order 都錯, 發音唔好, 我見到3個有一個考官等我d 字 er er 出來等到好鬼悶... 但我已經盡了人事, 早到試場 尤其是德國人好好守時.. 我相信我已經係進步左. (P & Yu 就知我點解咁講....上次考德文d 超 疼皮 野.
重有筆試, 但係都會有d jar 拿, 事關我背左一定出的16個the 字和相關形容詞的字尾ga la, 實出的.... 作文都無得搞...要訓練自己寫d 好淺的句子, 悶d, 但少d 錯....
好有恩典的事, 就係泰文老師超好超努力為我私人補課. 因為我的水皮情況超左水準, 出晒位, 名列走堂榜首 (因為趕交其他貨). 直至昨晚補課, 老師見我讀個字都要2-3min, 佢教到好沮喪咁, 我先知自己原來咁危殆. 我上次上堂明明教緊單字, 現在變左讀短文, 作句子.... 要加油...
我係好喜歡去了解和明白別人的, 是上帝對我的恩典. ( 希望自己都可以讓人明白, 遇到了解自己的朋友la). 所以, 真係好覺得神奇..當從學習對方的語言而進入對方的思想世界的入口. 語言和思維的關係微妙, 我地的思維都好靠語言去運行出來. 語言就好似紙筆, 是思維的表達media, structure 我地的思維. 不知不覺間, 學過很多唔同言糸的語言, 每次都帶比我那個國家/人民的一點思維空間, 在不同言語的比較中就更覺奇妙, 各有獨特. 本來對方的那些音, 字都沒有意思的, 但慢慢都變得有跡可尋, 有佢地的跳躍方法.
我就是喜歡那種進入對方思維世界的感覺, 由純靠肢體音調到文字符號的進程, 我是完全基於自己對人的興趣和恩賜, 所以慢慢生出這個學話hobby. 我只是仲意語言, 思維, 但沒有什麼語言天份bor
在努力中的
我
